Feb 20, 2011

ஜீவா(எ)ஜீவானந்தம்

என் நண்பர் ஒருவரிடம் ஜீவா தபால் தலை வந்திருக்கிறதே? வாங்கினீர்களா என்றேன்.
அவர் "நடிகர் ஜீவாவுக்கெல்லாமா தபால்தலை வெளியிடுகிறார்கள்?" என்றார்.
எனக்கு அதிர்ச்சியாக இருந்தது.  இருந்தாலும் சமாளித்துக்கொண்டு, "அவர் இல்லை அவருக்கு தபால் தலை வெளியிடுவார்களா?" என்றேன்.
"ஏன் வெளியிடக்கூடாது.  நடிகைகள் அனுஷ்கா, தமன்னா, அசின், ஆர்யா போன்றவர்களுக்கு அவர்களின் கலைச்சேவையை(?!) பாராட்டி கலைமாமணி விருது கொடுத்திருக்கும் போது இவர்களுக்கு தபால் தலை வெளியிட கூடாதா?" என்றார்.
எனக்கு நண்பரின் நக்கல் புரிந்தது.
"நீங்கள் கேட்டது இந்த கம்யூனிஸ்ட் கட்சிக்காரர் ஜீவாவா?!" என்றார்.
பரவாயில்லை,  இந்த அளவுக்காவது தெரிந்திருக்கிறாரே என்று எனக்கு மகிழ்ச்சி!.
"ஆமாம்" என்று சொல்லிவிட்டு, ஒருவருக்கு இந்திய அஞ்சல்துறை தபால் தலை வெளியிடுகிறார்கள் என்றால் அவர் எப்பேர்ப்பட்டவராக இருப்பார்?.  

"மகாத்மா காந்தி  ஜீவாவை  "இந்தியாவின் சொத்து" என்று கூறியிருக்கிறார் என்றால், இவர் எத்தகைய தலைவர் என்பதை தெரிந்துகொள்ளுங்கள்"  
எனக்கு தெரிந்த அளவு ஜீவாவை பற்றி சுருக்கமாக கூறினேன்.
இந்த பதிவின்மூலம் அவரைப்பற்றி இன்னும் விரிவாக........ 

Jan 27, 2011

FAITH எனும் நம்பிக்கை நாய்'கன்!



பெயர்:                    :   Faith

பிறந்த வருடம்:   டிசம்பர் 2002

பெற்றோர்           :   தெருவில்  கைவிட்டு விட்டு, மன்னிக்கவும்,  கால்விட்டு
                                     விட்டு  ஓடிவிட்டார்கள்!

காரணம்               :   பிறவி கோளாறு காரணமாக இரண்டு கால்கள் மட்டும்
                                     இருந்ததால்.

எடுத்து வளர்ப்பவர்கள்      : ஜுட்  ஸ்ட்ரிங் க்பெல்லோ என்ற  ஆசிரியையும்
                                                       அவர் மகனும் ( faithஐ   பராமரிப்பதர்க்காக 
                                                       வேலையை விட்டுவிட்டார்)

திறமை            : இரண்டு கால்களில் மட்டும் நடப்பது.


பதவி                : அமெரிக்க ராணுவத்தில்   'கௌரவ இ-4 ஆர்மி சார்ஜென்ட்'


Faith -ன் பணி :  போரில் உறுப்புகள் இழந்து காயம்பட்ட ராணுவ    
                              வீரர்களுக்கு தன்னம்பிக்கை ஏற்படுத்தவது.



உலகுக்கு  லொள்ள   நினைக்கும் செய்தி:

                            ' வாழ நினைத்தால் வாழலாம்!'       

Jan 25, 2011

இணைய வேகத்தை அதிகரிக்க

உங்கள் கம்ப்யூட்டரில் விண்டோஸ் எக்ஸ்பீ இயங்கு தளமானது ISP பதிவிறக்க பேண்ட்வித் –லிருந்து ஒரு 20 சதவிகிதத்தை அப்டேட் மற்றும் ஸ்பைவேர் சோதனைக்காக எடுத்துக்கொள்ளும். எனவே நாம் 80 சதவிகித பேண்ட்வித்தை  மட்டுமே பயன்படுத்த முடியும்.
எனவே அந்த 20 சதவிகிதத்தை சேர்த்து 100 சதவிகிதம் பேண்ட்வித் வேகம் பெற உங்கள் கம்ப்யூட்டரில் பின்வரும்  சிறிய மாறுதலை செய்யலாம்.
 

Jan 14, 2011

இனிய தமிழர் திருநாள் நல்வாழ்த்துக்கள்!

ஒரு நண்பனின் கதை(?) இது

               என் நெருங்கிய நண்பர்களில் ஒருவர் இவர்.  இயல்பாக எவரிடமும் தம்மை அறிமுகப்படுத்திக்கொண்டு பலகிவிடுவார்!. இதனாலேயே இவருக்கு பொருத்தமான பதவி வழங்கப்பட்டுள்ளது!. ஒருநிமிட சந்திப்பாக இருந்தாலும் ஒருவருடம் கழித்து, அவரை எங்காவது சந்திக்க நேர்ந்தால், அவர் பெயரை சொல்லி சந்தித்த வருடம் முதல் அனைத்தையும் ஞாபகப்பதடுத்துவார்!.
இவர் சந்திக்கும் பத்தில் ஒருவர் பாளையங்கோட்டை செயின்ட் சேவியர்   கல்லூரியில் படித்தவராகவோ அல்லது மதுரை செயின்ட் பிரிட்டோ மேல்நிலைப்பள்ளியில் படித்தவராகவோ இருப்பார்கள். 
‘நீங்க மதுரையா?...’
‘ஆமாம்’.
‘நானும் மதுரைதான்.  மதுரையில் எங்க?’
‘அய்யர் பங்களா’.
‘நானும் அங்கதான்!.  பக்கத்துல ரிசர்வ் லைன்!. அய்யர் பங்களாவுல எங்க?
(அப்படியே விசாரித்து இவர் தெரு வரை வந்து விடுவார்!)

ஓரளவு அறிமுகமாகிவிட்டால், அந்த நபரின் பிறந்த தேதி, அவர்களின் குழந்தைகள் பிறந்த தேதி, திருமண தேதி  கேட்டு, பிறகு மறக்காமல் ஒவ்வொரு வருடமும் அந்த நாளில் அலைபேசியில் அழைத்து வாழ்த்து சொல்லுவார்! (அவர்களின் நாய்க்குட்டியை தவிர!). என்னுடைய இந்த நண்பர் யார் என்று இந்த பதிவின் கடைசியில் சொல்கிறேன்! 

Jan 11, 2011

ஜேம்ஸ் கெமரூனின் அடுத்த அவதாரம்! SANCTUM

 
பிரபல ஹலிவூட் இயக்குனர் அலிஸ்டெர் கிரியெர்சொன் இயக்கத்தில் மோஷன் பிக்ஸர்ஸ் தயாரிப்பில்,டைட்டானிக், அவதார் பட இயக்குனரும், தயாரிப்பாளருமான ஜேம்ஸ் கெமரூன் மீண்டும் தயாரிக்கும் புதிய படமாக 'Sanctum' 3D யில்   வெளிவரவிருக்கிறது.   
தென் பசுபிக் கடல் பகுதியில் அமைந்திருக்கும் ஈஸா அலா அபூர்வ குகையை ஆராய்ச்சி செய்யப்போய் சந்தர்ப்பவசத்தால் இயற்கையின் கோரப்பிடிக்குள் சிக்கிக்கொள்ளும் ஆராய்ச்சிக்குழுவினர் பற்றிய நிஜக்கதை இது.
ஒரு படம் உருவாக்கவே 10 வருடங்களுக்கு மேல் செலவிடும் கெமரூன், இப்படத்தின் சிறந்த திரைக்கதை வடிவமைப்பினால் கவரப்பட்டு உடனடியாக இப்படத்தை தயாரிக்க சம்மதம் தெரிவித்திருந்தார். மிகவேகமாக நடைபெற்று வந்த இப்படத்தின் படப்பிடிப்பு வேலைகள் யாவும் முடிவு பெற்று வரும் பெப்ரவரி 4ம் திகதி திரை காணவிருக்கிறது இத்திரைப்படம்!

Jan 8, 2011

127 HOURS - ஆங்கில திரைப்பட விமர்சனம்


ஆஸ்கர் விருதுகள் பெற்ற ‘Slumdog Millionaire’ பட கூட்டணியில் மற்றுமொரு படைப்பு ‘127 HOURS’

இயக்கம்:  டேனிபாய்ல். இசை: ஏ.ஆர்.ரஹ்மான்

உண்மைச்சம்பவத்தின் அடிப்படையில் தயாரிக்கப்பட்டுள்ள இப்படம் உலகமெங்கும் ‘கோல்டன் குளோப்’ உள்பட பல விருதுகளைப்பெற்று வெற்றிகரமாக ஓடிக்கொண்டிருக்கிறது.
அமெரிக்காவின்  ஆள் நடமாட்டமில்லாத உடா பகுதியில் மலையேறிக்கொண்டிருக்கும் 28 வயது ஆரன் ரால்ஸ்டன் குறுகிய இரண்டு மலைதொடர்களுக்கிடையில் ஊர்ந்து மலை ஏறிக்கொண்டிருக்கும் பொழுது, திடீரென்று ஒரு சிறிய பாறை உருண்டுவந்து அதில் வலது கை மாட்டிக்கொள்கிறது.   சிறிது    கூட கையை அசைக்கமுடியாத இறுக்கம். 
ஐந்து நாட்கள் இரவுபகல் அங்கிருந்து மீள முயர்ச்சிக்கிறார். குடிப்பதற்கு இருந்த தண்ணீரும் காலியாகி தனது சிறுநீரையும் பிடித்துக்குடித்து உயிரை பிடித்துக்கொண்டு தன் கையை எடுக்க போராடுகிறார் முடியவில்லை.
எல்லா வகையிலும் போராடி பார்த்துவிட்டு முடிவாக, தன்னிடம் உள்ள ஒரு மழுங்கிய கத்தியைகொண்டு, வலியைப்பொருத்துக்கொண்டு, மெதுவாக தனது கையை வெட்டுகிறார். (அந்த கத்தி சரியாக தனது கையை அறுக்கவில்லை என்பதற்காக ஒருவசனம்-கொஞ்சம் புரிந்ததால் “Lesson. Don’t buy the chief  made in china items”)     கடினமான போரட்டதுக்குப்பின்பு தனது வலது கையை இழந்து உயிர் மீள்கிறார்.
இந்த உண்மைச்சம்பவத்தை மிக அருமையாக படமாக்கி இருக்கிறார்கள்.
படத்தை வெற்றிபெறச்செய்ததில் ஏ.ஆர்.ரஹ்மானின் இசைக்கு முக்கிய பங்கு இருக்கிறது. ஆரம்பம் முதல் இறுதி வரை இனிமையான இசையால் கலக்கி இருக்கிறார்.

                  ‘எத்தகைய சூழ்நிலையிலும் தன்னம்பிக்கையை இழக்கக்கூடாது’ என்ற வாழ்க்கை தத்துவத்தை உணர்த்தும் படம்.
 டிரைலர்
 

Jan 6, 2011

சர்க்கரை நோய்!


போதை பொருள் சமூகத்தில் பாதிப்பை ஏற்படுத்துகிறது என்றால் சுத்திகரிக்கப்பட்ட சர்க்கரை அதற்கு இணையாக மனிதர்களிடம் பாதிப்பினை ஏற்படுத்துகிறது. இவற்றின் ஒரே வித்தியாசம் சர்க்கரை அங்கீகரிக்கப்பட்ட பொருளாக உள்ளது. 
சர்க்கரை உடலில் அதிகமாக சேர்ந்து பின்னர் இன்சுலின் சுரப்பு பாதிப்பால் சர்க்கரை வியாதி ஏற்படுகிறது. இந்த சர்க்கரை வியாதி 2000 ஆம் ஆண்டில் உலகளவில் 17 கோடி பேரை பாதித்துள்ளதாக தகவல் வெளிவந்துள்ளது. இது 2030 ஆம் ஆண்டில் 36 கோடியை தொடும் என எச்சரிக்கப்படுகிறது. இதுவே இந்தியாவில் 2000 ஆம் ஆண்டில் 3 கோடி பேர் சர்க்கரை வியாதியால் பாதிப்படைந்துள்ளனர். மேலும் 2030 ஆம் ஆண்டில் 8 கோடியை எட்டும் என்றும் கூறப்படுகிறது. 
சராசரியாக ஒரு மனிதன் வருடம் ஒன்றிற்கு 80 கிலோ அளவிற்கு சர்க்கரையை எடுத்து கொள்கிறான். மனிதனின் வாழ்க்கையில் மெல்ல ஆக்ரமிக்கும் இந்த சர்க்கரை எவ்வாறு ஹெராயின் போன்ற போதைபொருளோடு ஒத்து போகிறது என பார்ப்போம். பாப்பி என்ற ஒரு வகை செடியில் இருந்து ஓபியம் என்ற பொருள் பிரித்தெடுக்கப்படுகிறது. அது பின்னர் மார்பின் ஆக மாற்றப்படுகிறது. மேலும் அது சுத்திகரிக்கப்பட்டு ஹெராயின் என்ற போதைபொருளாக மாற்றப்படுகிறது. ஆரம்பத்தில் இது வலி நிவாரணி ஆக பயன்படுத்தப்பட்டது. நாளடைவில் அது படிப்படியாக போதைபொருள் பயன்பாட்டுக்கு உலகை கொண்டு சென்று விட்டது.

அணு 2011 புத்தாண்டு நாள்காட்டி - அரச இலையில்!

சிவகங்கை ஓவியர் நண்பர் முத்துகிருஷ்ணன், தனது மற்றுமொரு சாதனையாக புத்தாண்டு 2011 - க்கான நாள்காட்டியை அரச இலையில் வெளியிட்டுள்ளார்.  இவரின்  சாதனை முயற்சிகள் தொடர வாழ்த்துவோம்.  இவரை பற்றிய முன்தைய பதிவை படிக்க...

Jan 2, 2011

கார்ட்டூன்

 தமிழகத்தில் ஏழைகள் இருக்கும்வரை
 இலவசங்கள் தொடரும் - தமிழக முதல்வர்

Dec 26, 2010

பிச்சைராமனும் கீரபோண்டாவும்!

                நண்பர் கரிகாலன் மன்மதன் அம்பு போகலாமா? என்று கேட்டபொழுது யோசிக்காமல் போகலாம் என்று கூறிவிட்டேன்!. கமல் படம் என்றால் குறைந்த பட்ச உத்திரவாதம் இருக்கும் என்ற நம்பிக்கையிலும், இந்த பதிவில் எனது முதல் திரை விமர்சனத்தை எழுதலாம் என்ற ஆவலிலும்!.  நீண்ட நாட்களுக்கு பிறகு சிவகங்கையில் உள்ள ஒரு திரையரங்குக்கு சென்று படம் பார்த்தோம்.  பிறகுதான் தெரிந்தது மக்கள் ஏன் திரையரங்குக்கு வராமல் வீட்டில் உட்கார்ந்து ---சி.டி–யில் படம் பார்க்கிறார்கள் என்று!.  எல்லா நடிகர்களும் விபரம் தெரியாமல் கத்திக்கொண்டிருக்கிறார்கள் ‘திருட்டு சி.டி–யில் படம் பார்க்கவேண்டாம் திரையரங்கத்துக்கு வாங்க!’ என்று.

Dec 25, 2010

சொன்னாலும் சொன்னார்கள்

நாஞ்சில் சம்பத்: (தாணு ம.தி.மு.க-விலிருந்து விலகியதைப்பற்றி)
ஒரு யானையின் மீது ஒரு கொசு வந்து அமர்ந்ததாம். எதுவும் சொல்லாமல் நீண்ட நேரம் அமர்ந்திருந்த அந்த கொசு, போகும்போது சத்தமாக யானையிடம், ‘நான் போகிறேன்’ என சொல்லிவிட்டுப் பறக்க எத்தனிக்க...’நீ எப்ப வந்த...என்கிட்ட போறேன்னு சொல்றியே..?’ என்று கொசுவிடம் சிரித்தபடி கேட்டதாம் யானை. இந்த கதையில் யானை –வைகோ!




ஆனந்தவிகடன் கட்டுரையில்:
‘இந்த கட்சியை(தி.மு.க) யாராலும் அழிக்க முடியாது. நம்மவர்களால் மட்டுமே முடியும்’ என்றார் அண்ணா!
நம்மவர்கள் என்று ‘அ’ சொன்னது ‘ஆ’ வைத்தானா?

மு.க.ஸ்டாலின்: 
‘என் இளமைக்கும் சுறுசுறுப்புக்கும் காரணம், நான் சாப்பிட உட்காரும்பொழுது பசியுடன் உட்காருவேன். எழுந்திருக்கும் பொழுதும் பசியுடன் எழுந்திருப்பேன்!’

Dec 19, 2010

நாட்டாமை அமெரிக்காவின் மனிதாபிமானம்!?


உலக நாடுகளின் காப்பாளனாக தன்னை கருதிக்கொள்ளும், அதிமேதாவி அமெரிக்காவின் அத்து  மீறல்களை வெளிச்சத்துக்கு கொண்டு வந்த விக்கிலீக்ஸ் ‘ஜுலியன் அசேஞ்ச்’ தான் இன்றைய உலக ஹீரோ!.
 
உலகளவில் தனக்கிருக்கும் நெட்வொர்க் மற்றும்  சர்வாதிகாரத்தின் மூலம் பல தடைகளை ஏற்படுத்தியும், அசராமல் அடுத்தடுத்து ‘விக்கிலீக்ஸ்’ வெளியிட்டுகொண்டிருக்கும் ஆதாரங்களால் இஞ்சி தின்ற குரங்காக அமெரிக்கா திணறிக்கொண்டிருக்கிறது!.

விக்கிலீக்ஸ் சமீபத்தில் வெளியிட்டிருக்கும் ஒரு வீடியோ ஆதாரம்,  ஈராக்கில் அமெரிக்கா செய்த அட்டூழியத்தை வெட்ட வெளிச்சமாக்கி இருக்கிறது!.

2007 ஆம் ஆண்டு ஜூலை மாதம் 17 ஆம் தேதி, அமெரிக்க ராணுவ ஹெலிகாப்டர் மூலம்,  சர்வதேச செய்தி நிறுவனமான ராய்டர்சுக்கு புகைப்படம் எடுக்கும் நமீர் மற்றும் சயீத் ஆகிய இருவரையும் பத்திரிக்கையாளர்கள் என்று தெரிந்தே சுட்டுக்கொல்கிறார்கள்!.  அவர்களுக்கு உதவிசெய்ய வரும் பள்ளிக்குழந்தைகளை ஏற்றி செல்ல வரும் வேனையும் சுடுகிறார்கள்.  அந்த வேனில் இருந்த இரண்டு குழந்தைகள் காயப்படுகிறார்கள்!.  அவர்களை மருத்துவமமனைக்கும் அழைத்துச் செல்லாமல் அப்படியே விட்டுவிட்டு செல்கிறார்கள்.  மேலும், இறந்து கிடக்கும் சடலங்கள் மீது ஏறி இறங்கி செல்லும் டாங்கியை பார்த்து, ஹெலிகாப்டரில் இருக்கும் ராணுவத்தினர் ரசித்து தங்கள் மகிழ்ச்சியை கொண்டாடுகின்றனர்!.

இதுதான் உலக நாடுகளின் காப்பாளனாக தன்னை கருதிக்கொள்ளும் நாட்டாமை அமரிக்காவின் “மனிதாபிமானம்!?”
விக்கிலீக்ஸ் வெளியிட்ட மேற்கண்ட சம்பவங்கள் அடங்கிய வீடியோ:

                                                                       

Dec 15, 2010

குருஞ்செய்தி நகைச்சுவை!

என் அலைபேசிக்கு வந்த சுவாரசியமான குருஞ்செய்தி:
தமிழ் ஹீரோக்கள் அடுத்து நடிக்கவிருக்கும் படங்களின் தலைப்புகள்!-கற்பனையாக!
அஜித் :  மங்காத்தா, மாரியாத்தா, செல்லாத்தா
சூர்யா :   சிங்கம், கரடி, கழுதை
கார்த்தி:  நான் மகான் அல்ல!, நான் நடிகன் அல்ல!, நான் மனுஷன் அல்ல!
தனுஷ்: படிக்காதவன், எழுதாதவன், வெளங்காதவன்
ஜீவா  : SMS, MMS, MISSED CALL
விஷால்: சத்யம், இன்போசிஸ், விப்ரோ
சிம்பு : விண்ணை தாண்டி வருவாயா!, செவர தாண்டி வருவாயா!
மாதவன் : குரு என் ஆளு, நமீதா உன் ஆளு, ரஞ்சிதா யாரு ஆளு?
- இந்த தலைப்புகளில் படங்கள் வரும்வரை மட்டுமே, இது நகைச்சுவை!

புகை-பகை!

புகைபிடிப்போரிடம், மாரடைப்பு வருவதற்கான மருத்துவ காரணங்களான சர்க்கரை நோய், உயர் ரத்த அழுத்தம், ரத்தத்தில் அதிக கொழுப்பு சத்து போன்ற ஏதாவது ஒரு காரணம் உடன் இருந்தாலும், அவர்களுக்கு மாரடைப்பு வரும் சாத்தியக்கூறுகள் எட்டு மடங்கு அதிகரிக்கிறது. உலகம் முழுவதும் நேரும் இருதய நோய்களில், 20 சதவீதம் புகைபிடிப்பதாலேயே ஏற்படுகின்றன. புகை பிடிப்பதால் இருதயம் எவ்வாறு பாதிக்கப்படுகிறது? சிகரெட்டில் இருந்து வரும் புகையில், 4,000 நச்சுத்தன்மை வாய்ந்த ரசாயன பொருட்கள் கலந்துள்ளன.

இவற்றில் முக்கியமான இரண்டு பொருட்கள், இருதயத்தையும், உடலின் அனைத்து உறுப்புகளுக்கு செல்லும் ரத்தக் குழாய்களையும் வெகுவாக பாதிக்கிறது.  அவை...