Showing posts with label சமூக கட்டுரை. Show all posts
Showing posts with label சமூக கட்டுரை. Show all posts

Nov 18, 2012

தமிழக மின்சாரப் பிரச்சினைக்கான உண்மைக் காரணமும், அதற்கான தீர்வும்!




தமிழகத்தின் மின் பற்றாக்குறை என்பது இன்றைய தேதியில் சுமார் 4000 - 4500 மெகாவாட்டாக இருக்கிறத
ு. 2013 ஆம் ஆண்டில் இந்தப் பற்றாக்குறை 5000 - 5500 மெகாவாட்டாகவும், 2014 இல் இது 6200 மெகாவாட்டாகவும், 2015 இல் இது 7300 மெகாவாட்டாகவும் கூடியிருக்கும் என்பது மின் நிபுணர்களின் கணிப்பு.



இந்த சூழ்நிலையில், தமிழகத்தில் அரசுக்கு சொந்தமான மூன் று மின் உற்பத்தி நிலையங்கள் பழுதடைந்த நிலையில் கேட்பாரற்றுக் கிடக்கின்றன. மின் உற்பத்தியைத் தொடங்கும் நிலையில் உள்ள மூன்று புதிய மின் உற்பத்தி நிலையங்களை (என்ன காரணத்திற்கோ) இன்றைய நெருக்கடியான காலகட்டத்திலும் மின்சாரத்தை உற்பத்தி செய்ய விடாமல் தமிழ்நாடு அரசு நிறுத்தி வைத்திருக்கிறது.



தமிழ்நாடு மின்வாரியத்துக்கு சொந்தமான குத்தாலம் (தஞ்சைமாவட்டம்), வழுதூர் 1 மற்றும் 2 (ராமநாதபுரம் மாவட்டம்) ஆகிய எரிவாயு மின் நிலையங்களில் அடிக்கடி எந்திரங்கள் பழுதடைவதும், பல மாதங்களுக்குப் பழுது நீக்கப்படாமல் இருப்பதும் வாடிக்கையாக இருக்கிறது. குத்தாலம் மின் நிலையம் 101 மெகாவாட் திறனையும், வழுதூர் 1 மற்றும் 2 மின் நிலையங்கள் 95 மற்றும் 92 மெகாவாட் திறனைக் கொண்டிருகின்றன. இந்த மூன்று மின் நிலையங்களுமே முழுமையாக செயல் பட்டால் 288 மெகாவாட் மின்சாரத்தை உற்பத்தி செய்ய முடியும்.



இன்றைய தேதியில் இந்த மின் நிலையங்கள் பழுதடைந்துள்ளன. அவற்றின் பழுது நீக்கப்படாமல் அவற்றின் மின் உற்பத்தி முடங்கிக் கிடக்கிறது. அவற்றில் உள்ள பழுதை நீக்க பல மாதங்களாகத் தமிழக அரசு முயற்சி எடுக்க மறுத்து வருகிறது. இதனால் கிட்டத்தட்ட 288 மெகாவாட் மின்சாரத்தை நாம் இழந்து கொண்டிருக்கிறோம். இந்த மின்நிலையங்கள் அன்றாடம் உபயோகிக்க வேண்டிய இயற்கை எரிவாயுவிற்காக, மின் உற்பத்தி செய்யப்படாமல் இருக்கும் இந்தக் காலகட்டத்திலும் ஒவ்வொரு நாளும் 71 லட்ச ரூபாயை தமிழ்நாடு மின் வாரியம் GAIL நிறுவனத்திற்குக் கட்டிக்கொண்டிருக்கிறது.

Sep 19, 2011

மனம் தளராத பெண் போராளி -இரும்பு மனுஷி- ஐரோம் சானு ஷர்மிளா ( Irom Chanu Sharmila)


கட்டுரை: P.S.P.பாண்டியன் 

Armed Forces ( Special Powers) Act 1958 ( இராணுவத்தினருக்க்கான சிறப்பு அதிகாரத்திற்கான சட்டம் 1958)   கலவரப் பகுதிகள் என அறிவிக்கப்பட்ட மணிப்பூர் , நாகாலந்து, மிசோரம் , மேகாலயா, திரிபுரா,அருணாசல பிரதேசம் போன்ற வட கிழக்கு மாநிலங்களிலும், ஜம்மு காஷ்மீரிலும் அமலில் இருந்து வருகிறது. இராணுவத்தினருக்கு கட்டுப்பாடற்ற அதிகாரத்தை இச்சட்டம் தந்துள்ளது. கேள்வி கேட்பாடே இல்லாமல் யாரையும் எப்போதும் கைது செய்ய்யலாம் . விசாரணைக்கு அழைத்து செல்லலாம்.  அவர்கள் திரும்பி வரலாம் வராமலும் போய்விடலாம். தீவிரவாதிகளுடன் தொடர்பு உள்ளதா என்பதை விசாரிக்கப் போகிறோம் என்று சொல்லி அள்ளிச் செல்லப் பட்ட குறைந்த வயதுள்ள பெண்களும், ஆண்களும் திரும்பி வராவிட்டல் அவர்களது பெற்றோர் படும் துயரங்களை வார்த்தைகளால் விவரிக்க முடியுமா ? மனித உரிமை மீறலுக்கு அப்பட்டமாக துணை போகும்  கொடுஞ்சட்டம் அது.

Jul 25, 2011

செய்திகள் வாசிப்பது.....!

                             தமிழில் எந்த டிவி சேனலை வைத்தாலும், சினிமா, பாட்டு, நடனம், மெகா தொடர் நாடகங்கள் என்று இருப்பதால் இதையெல்லாம் தவிர்த்து ஓரளவு நம்ம பொது அறிவை வளர்த்துக்குவோம் என்று செய்தி சேனலை வைத்தால், அந்த செய்திகளில் ஒரு நடுநிலை இல்லை!.

                              தமிழில் ஒரு நடுநிலையான செய்தி சேனல் இல்லாதது ஒரு நீண்ட நாள் குறையே!. பெரும்பாலான நடுநிலையாளர்களின் ஏக்கமும் கூட!. சன் டிவி, கலைஞர் டிவியை வைத்தால் தி.மு.க. சம்மந்தப்பட்ட செய்திகளே வருகிறது!. Spectrum, அதை தொடர்ந்த கைது நடவடிக்கைகள் குறித்த செய்திகள் வருவதில்லை. நாட்டில் ஒண்ணுமே நடக்காதது போல் செய்தி போடுகிறார்கள்!. ராசா, கனிமொழி கைது, தயாநிதி பதவி விலகல் நிகழ்வுகள் இவர்களுக்கு தெரியாது போலும்!, அந்த நேரத்தில் ஏதாவது சம்பந்தமில்லாத செய்திகளை போடுகிறார்கள்.

                             இவர்கள் இப்படி என்றால், ஜெயா டிவி-க்கு சமச்சீர் கல்வி வழக்கில் நீதிமன்ற தீர்ப்பு ஒரு செய்தியே இல்லை!. அதை விடுத்து தி.மு.க கட்சியினர் கைது பற்றி நான்காவது முறையாக செய்தி சொல்லிக்கொண்டு இருப்பார்கள்!

Feb 20, 2011

ஜீவா(எ)ஜீவானந்தம்

என் நண்பர் ஒருவரிடம் ஜீவா தபால் தலை வந்திருக்கிறதே? வாங்கினீர்களா என்றேன்.
அவர் "நடிகர் ஜீவாவுக்கெல்லாமா தபால்தலை வெளியிடுகிறார்கள்?" என்றார்.
எனக்கு அதிர்ச்சியாக இருந்தது.  இருந்தாலும் சமாளித்துக்கொண்டு, "அவர் இல்லை அவருக்கு தபால் தலை வெளியிடுவார்களா?" என்றேன்.
"ஏன் வெளியிடக்கூடாது.  நடிகைகள் அனுஷ்கா, தமன்னா, அசின், ஆர்யா போன்றவர்களுக்கு அவர்களின் கலைச்சேவையை(?!) பாராட்டி கலைமாமணி விருது கொடுத்திருக்கும் போது இவர்களுக்கு தபால் தலை வெளியிட கூடாதா?" என்றார்.
எனக்கு நண்பரின் நக்கல் புரிந்தது.
"நீங்கள் கேட்டது இந்த கம்யூனிஸ்ட் கட்சிக்காரர் ஜீவாவா?!" என்றார்.
பரவாயில்லை,  இந்த அளவுக்காவது தெரிந்திருக்கிறாரே என்று எனக்கு மகிழ்ச்சி!.
"ஆமாம்" என்று சொல்லிவிட்டு, ஒருவருக்கு இந்திய அஞ்சல்துறை தபால் தலை வெளியிடுகிறார்கள் என்றால் அவர் எப்பேர்ப்பட்டவராக இருப்பார்?.  

"மகாத்மா காந்தி  ஜீவாவை  "இந்தியாவின் சொத்து" என்று கூறியிருக்கிறார் என்றால், இவர் எத்தகைய தலைவர் என்பதை தெரிந்துகொள்ளுங்கள்"  
எனக்கு தெரிந்த அளவு ஜீவாவை பற்றி சுருக்கமாக கூறினேன்.
இந்த பதிவின்மூலம் அவரைப்பற்றி இன்னும் விரிவாக........ 

Dec 11, 2010

பாலித்தீன் பேக் தவிர்ப்போம்!



 இந்த பூமியின்  இயற்கை வளங்களில்  ஒரு இருபது சதவீதத்தை மட்டுமே மனிதன் தன் அறிவால் கட்டுப்பாட்டுக்குள் கொண்டுவரமுடியும் என்பது விஞ்ஞானிகளின் கருத்து. அந்த இருபது சதவீதத்தை ஆக்கபூர்வமாக பயன்படுத்தும் அதேவேளையில், அதையும், மிகுதியான என்பது சதவீத இயற்கைவளத்தையும் நாம்  தெரிந்தோ தெரியாமலோ   கொஞ்சம் கொஞ்சமாக பாழ்படுத்திக்கொண்டு  வருகிறோம் என்பதே கண்கூடான உண்மை.